ജിദ്ദ മോങ്ങം റിലീഫ് കമ്മിറ്റിയുടെ മാസാന്ത റിലീഫ് പ്രവര്‍ത്തനങ്ങള്‍ക്ക് പുറമെ എല്ലാ വര്‍ഷവും പരിശുദ്ധ റമദാനില്‍ സ്വരൂപിക്കുന്ന റമദാന്‍ റിലീഫ് ഫണ്ട് ഇത് തുടര്‍ച്ചയായി പത്താം വര്‍ഷമാണെന്നും ഇതിനകം പത്ത് ലക്ഷത്തോളം രൂപ ഈ മേഖലയില്‍ കമ്മിറ്റി ചിലവഴിച്ചിട്ടുണ്ടെന്നും അദ്ധേഹം പറഞ്ഞു. ജിദ്ദയിലും പരിസരങ്ങളിലുമുള്ള ഉദാര മനസ്ക്കരായ മോങ്ങത്തുകാരില്‍ നിന്നും ശേഖരിക്കുന്ന സംഖ്യ പെരുന്നാളിന്റെ മുമ്പായി തന്നെ അര്‍ഹരായവരുടെ കൈകളില്‍ എത്തിക്കാനുള്ള ശ്രമത്തിലാണ് ഇതിന്റെ പിന്നണി പ്രവര്‍ത്തകരെന്നും അദ്ധേഹം പറഞ്ഞു.
കഴിഞ്ഞ വര്‍ഷം ഒരു ലക്ഷത്തി ഇരുപതിനായിരം (120000) രൂപ സമാഹരിച്ച് 116 കുടുംബങ്ങള്‍ക്കായി വിതരണം ചെയ്തതെന്നും ഈ വര്‍ഷം ഏതാണ്ട് അത്ര തന്നെ സ്വരൂപിക്കാനാകുമെന്നും അബ്ദുറഹ്‌മാന്‍ ഹാജി പ്രതീക്ഷ പ്രകടിപ്പിച്ചു. പലരുടെയും അടുത്തെത്താന്‍ ജിദ്ദയിലെ ഗതാഗത കുരുക്ക് തടസ്സമാണെന്നും അതിനാല്‍ റമദാന്‍ ഫണ്ടിലേക്ക് സംഭാവനകളെത്തിക്കാന്‍ ആഗ്രഹിക്കുന്നവര്‍ 0502676495 എന്ന നമ്പറില്‍ ബന്ധപെടണമെന്നും സെക്രടറി അറിയിച്ചു.
0 നിങ്ങളുടെ അഭിപ്രായം (g-mail ഐഡി ഉപയോഗിക്കുക):
Post a Comment