ബ്രയിനിലെ നാഡീ കോശങ്ങളെ ബാധിക്കുന്നതിനാലാണ് കുടിയന് വിവേകം നഷ്ടപെടുന്നത്. മൃഗത്തെക്കാള്‍ അധ:പതിച്ച രീതിയിലേക്ക് തരം താഴുന്നത്. ശത്രുവിനെയും, മിത്രത്തെയും, ഭാര്യയെയും, ഉമ്മയെയും തിരിച്ചറിയാതെ കുടുംബ പ്രശ്‌നങ്ങള്‍ക്കും സാമൂഹ്യ പ്രശ്‌നങ്ങള്‍ക്കും തിരികൊളുത്തുന്നത്. മദ്യത്തെ അല്ലാഹു കര്‍ശനമായി വിരോധിച്ചത് വെറുതെയല്ല എന്ന തിരിച്ചറിവാണ് ആദ്യം നമുക്കുണ്ടാകേണ്ടത്.
ആന്തരികാവയവങ്ങളില്‍ സുപ്രധാനമായ മറ്റൊന്നാണ് ഹൃദയം. തലച്ചോറ് പോലെ തന്നെ വളരെ സുഭദ്രമായ രീതിയില്‍ സൃഷ്ടാവ് ഹൃദയത്തെ സംവിധാനിച്ചിട്ടുള്ളത്. വാരിയെല്ലുകള്‍ക്കും നെഞ്ചെല്ലിനും മദ്ധ്യേയാണ് അതിന്റെ സ്ഥാനം. ശരീരിരത്തിന്റെ എല്ലാ ഭാഗങ്ങളിലേക്കും രക്തം പമ്പ് ചെയ്യുകയാണ് ഹാര്‍ട്ടിന്റെ പ്രധാന ധര്‍മ്മം. ഒരു മിനുട്ടിനുള്ളില്‍ അഞ്ച് ലിറ്റര്‍ രക്തമാണ് ഹൃദയം പമ്പ് ചെയ്യുന്നത്. ശരാശരി ഒരു ദിവസം 9800 മുതല്‍ 12600 ലിറ്റര്‍ വരെ (നമ്മുടെ വീട്ടിലെ വാട്ടര്‍ ടാങ്കിന്റെ ഏതാണ്ട് പത്ത് മുതല്‍ പന്ത്രണ്ട് ഇരട്ടിയോളം) രക്തം തുടര്‍ച്ചയായി ഈ പം‌മ്പിങ്ങ് നിര്‍വഹിച്ച് കൊണ്ടിരിക്കുന്നു. എന്നാല്‍ ഈ ഭാരിച്ച ജോലി ചെയ്യുന്ന ഹൃദയത്തിന്റെ തൂക്കമാവട്ടെ 250-300 ഗ്രാം മാത്രം. മദ്യ ഉപഭോഗം ഹൃദയത്തിന്റെ താളം തെറ്റിക്കുന്നു എന്ന് മാത്രമല്ല ഒരു വേള അതിന്റെ പ്രവര്‍ത്തനം തന്നെ നിലക്കാന്‍ വരെ അത് കാരണമാകുമെന്ന് വൈദ്യശാസ്ത്രം പറയുന്നു.
രക്ത ശുദ്ധീകരണ പ്രക്രിയ നടത്തികൊണ്ടിരിക്കുന്ന വൃക്കകളേയും ലഹരി ഉപയോഗം ഗുരുതരമായി ബാധിക്കുന്നുണ്ട്. രക്തത്തെ അരിച്ച് പെറുക്കി മാലിന്യം പുറത്തേക്ക് തള്ളാനായി ഓരോ വൃക്കയിലും 10 ലക്ഷം വീതം നെഫ്രോണുകളാണ് സൃഷ്ടാവ് സംവിധാനിച്ചിട്ടുള്ളത്. നൈമിഷിക സുഖത്തിന് വേണ്ടി ഈ സൃഷ്ടി സംവിധാനങ്ങളെ അട്ടിമറിക്കുന്നത് ഒരു തരത്തിലും ന്യായമല്ല.
രക്ത ശുദ്ധീകരണ പ്രക്രിയ നടത്തികൊണ്ടിരിക്കുന്ന വൃക്കകളേയും ലഹരി ഉപയോഗം ഗുരുതരമായി ബാധിക്കുന്നുണ്ട്. രക്തത്തെ അരിച്ച് പെറുക്കി മാലിന്യം പുറത്തേക്ക് തള്ളാനായി ഓരോ വൃക്കയിലും 10 ലക്ഷം വീതം നെഫ്രോണുകളാണ് സൃഷ്ടാവ് സംവിധാനിച്ചിട്ടുള്ളത്. നൈമിഷിക സുഖത്തിന് വേണ്ടി ഈ സൃഷ്ടി സംവിധാനങ്ങളെ അട്ടിമറിക്കുന്നത് ഒരു തരത്തിലും ന്യായമല്ല.
(തുടരും)
0 നിങ്ങളുടെ അഭിപ്രായം (g-mail ഐഡി ഉപയോഗിക്കുക):
Post a Comment