ശരീരത്തില് നിരവധി ധര്മങ്ങള് നടത്തുന്ന ലിവറാണ് മദ്യം പ്രതികൂലമായി ബാധിക്കുന്ന മറ്റൊരു ആന്തരികാവയവം. ശരീരത്തിലെ വിഷ നിവാരണിയായ കരളിലൂടെ ഒരു മിനുട്ടില് ഒന്നേക്കാല് ലിറ്റര് രക്തമാണ് പ്രവഹിക്കുന്നത്. ശരീരത്തിന് ആവശ്യമായ ദഹന സ്രവങ്ങളും, പിത്തരസവും ഉല്പാദിപ്പിക്കുന്നത് ഈ അവയവമാണ്. ശരീരത്തിനാവശ്യമായ കൊളസ്ട്രോള് ഉല്പാദിപ്പിക്കുന്നതും കരള് തന്നെ. രക്തത്തിലെ ഗ്ലൂകോസ് നില തുലനം ചെയ്യുന്നതും, കൂടുതലായി ഉണ്ടാകുന്ന ഗ്ലൂകോസിനെ കൊഴുപ്പും പ്രോട്ടീനുമാക്കി മാറ്റുന്നതുമെല്ലാം ശരീരത്തിലെ ഏറ്റവും വലിയ ഗ്രന്ധിയായ കരളാണ്. ഇങ്ങനെ സുപ്രധാന ധര്മങ്ങള് നിര്വഹിക്കുന്ന ഈ വിഷ്ടാവയവത്തെ ലഹരി കൊണ്ട് നശിപ്പിക്കുന്നത് എത്ര വലിയ ക്രൂരതയാണ്...? ഒരാള് സ്വതത്തോട് ചെയ്യുന്ന ക്രൂരത, കരളിന്, സിറോസിസ്, ഫാറ്റിലിവര്, ആള്ക്കഹോളിക് എപ്പറ്റെസിസ് തുടങ്ങിയ പ്രശ്നങ്ങള് മധ്യത്തിലൂടെ ഉണ്ടാകാമെന്ന് വൈദ്യശാസ്ത്രം വിലയിത്തുന്നു. ന്യൂമോണിയ, ക്ഷയം, ശ്വാസകോശ ക്യാന്സര് തുടങ്ങി നിരവധിയാണ് മദ്യത്തിന്റെ സംഭാവന. ആന്തരികവും ബാഹ്യവുമായ ശരീര ഘടനയെ താളം തെറ്റിക്കുകയും മനുഷ്യന്റെ തിരിച്ചറിവെന്ന പ്രത്യേകതയെ നശിപ്പിക്കുകയും ചെയ്യുന്ന മദ്യം സാമാന്യ ബുദ്ധിയുള്ളവന് ഉപയോഗിക്കാനാകുമോ..?
“മദ്യം ഔഷധമല്ല രോഗമാണ്” എന്ന പ്രവാചക തിരുവചനത്തിന്റെ ചുരുളഴിക്കുകയല്ലേ ആധുനിക വൈദ്യശാസ്ത്രം ചെയ്തിട്ടുള്ളത്. മത തത്വശാസ്ത്രം മുതല് ആധുനിക വൈദ്യ ശാസ്ത്രം വരെ ഒരു പോലെ വിളിച്ച് പറയുന്നു “മദ്യം വിഷമാണ്” എന്ന്. ഇനിയും കണ്ണ് തുറന്നില്ലങ്കില് നമ്മള് അനുഭവിക്കേണ്ടി വരും.... തീര്ച്ച.
പരലോക വിശ്വാസിയുടെ കാഴ്ച്ചപ്പാടില് മദ്യം വിതക്കുന്ന വിപത്തുകള് ഇതില് അവസാനിക്കുന്നില്ല. മദ്യപാനിക്ക് നരകമാണ് നാളേക്ക് ഒരുക്കിയിരിക്കുന്നത്. അവിടെ അവന് ലഭിക്കുന്ന ഒരു പാനീയമുണ്ട്. അത് നബി (സ) പരിചയപെടുത്തിയതാണ് ഏറ്റവും മലിനമായ പാനീയം. നരകവാസികളുടെ ശരീരം വെന്ത് അതില് നിന്നൊലിക്കുന്ന ചീഞ്ചലമാണത്. നരകത്തില് അത്രയും മലിനമായത് മോന്തണമെന്നുണ്ടോ...? എങ്കില് ഇവിടെ മദ്യപാനി ആയാല് മതി.
ഇനി സ്വ മനസാക്ഷിയോട് ചോദിക്കൂ എന്താണ് മദ്യത്തിലൂടെ നിനക്കും ലഭിക്കാന് പോകുന്നത്, ഭൌതികമായും പാരത്രികമായും ദുരിതങ്ങള് മാത്രം. ഇനിയും വേണോ പ്രിയ സുഹൃത്തേ ഈ വിഷകുപ്പി നമുക്ക്...?
(അവസാനിച്ചു)
0 നിങ്ങളുടെ അഭിപ്രായം (g-mail ഐഡി ഉപയോഗിക്കുക):
Post a Comment