മോങ്ങം ചരിത്ര പ്രധാനമായ ഒരു ദൌത്യത്തിന്റെ കര്മ്മ പാതയിലാണിപ്പോള്, ഈ ശ്രമം ലക്ഷ്യം കണ്ടാല് നമ്മള് നമ്മുടെ ഈ തലമുറയും വരാനിക്കുന്ന തലമുറകളും നാടിന്റെ ഈ പൊതു കൂട്ടായ്മയെ എന്നും നന്ദിയോടെ സ്മരിക്കുകയും മറ്റുള്ള നാടുകള്ക്കും നാട്ടുകാര്ക്കും നമ്മുടെ മോങ്ങം ഒരു മാതൃകയുമാകും എന്ന കാര്യത്തില് സംശയമില്ല. അത്രയും ഭയാനകമായ രിതിയിലാണ് ലഹരിയില് മുങ്ങി കുളിച്ച് നില്ക്കുന്നത് നമ്മുടെ ഈ കൊച്ചു പ്രദേശം. പ്രാദേശിക കൂട്ടായ്മകളും ജാഗ്രതാ സിമതികളും കര്മ്മ മണ്ഡലത്തില് സജീവമാകുന്നതോടൊപ്പം തന്നെ പ്രാദേശിക ഭരണകൂടമായ പഞ്ചായത്ത് കര്ശനമായ നിയമ നടപടികള് കൂടി സ്വീകരിക്കേണ്ടത് ഈ പദ്ധതി വിജയത്തിന് അനിവാര്യമാണ്.
കഴിഞ്ഞ ഏതാനും ദിവസങ്ങള്ക്ക് മുമ്പ് പൂക്കോട്ടൂര് പഞ്ചായത്തിലെ നാല് സ്ഥലങ്ങളില് നിന്നായി പഞ്ചായത്ത് അധികൃതര് പിടിച്ചെടുത്ത പാന്പരാഗ് അടക്കമുള്ള ലഹരി വസ്തുക്കളുടെ തൂക്കം പതിനൊന്നു കിലോയോളമാണ്. അതും വെള്ളുവമ്പ്രം , ഹാഫ് വെള്ളുവമ്പ്രം , അറവങ്കര, ന്യൂബസാര് എന്നിവിടങ്ങളില് നിന്നാണ്. പഞ്ചായത്ത് നിരോധിച്ച ലഹരി വസ്തുക്കള് വില്പന നടത്തിയ കടകള്ക്കെതിരെ മുവ്വായിരം രൂപ പിഴ വിധിക്കുകയും ചെയ്തു. ഇത് ആവര്ത്തിച്ചാല് കടയുടെ ലൈസന്സ് കട്ട് ചെയ്യുമെന്ന മുന്നറിയിപ്പും നല്കി. മാത്രമല്ല ഈ വിഷയത്തില് പിടിക്കപെടുന്നവര്ക്ക് വേണ്ടി ശിപാര്ശ ചെയ്യാന് വരില്ല എന്ന് പഞ്ചായത്തിലെ ഏതാണ്ടെല്ലാ സംഘടകളില് നിന്നും ഉറപ്പ് വാങ്ങാനും പൂക്കോട്ടൂര് പഞ്ചായത്ത് അധികൃതര് നേരത്തെ തന്നെ കഴിഞ്ഞു എന്നത് ഈ വിശയത്തില് അവരുടെ തന്ത്ര പ്രധാനമായ ചുവട് വെപ്പായിരുന്നു. പഞ്ചായത്ത് അധികാരികളുടെ ഇത്തരം ധീരമായ ഈ നടപടി പ്രശംസനീയമാണ്. നമുക്കും വേണ്ടത് ഈ ആര്ജ്ജവമാണ്. മോങ്ങത്തെ ലഹരി മുക്ത പ്രദേശമാക്കുമ്പോള് എല്ലാവരും ഇതിന്നു വേണ്ടി പ്രയത്നിച്ചാല് മത്രമെ അത് ലക്ഷ്യം കാണുകയുള്ളു.
നമ്മുടെ നാട്ടില് ലഹരി ഉപയോഗം പതിന്മടങ്ങ് വര്ദ്ധിച്ചിട്ടുണ്ടെന്നുള്ള കാര്യം സത്യമാണ്. രഹസ്യമായി മദ്യപിക്കുന്നവരെയും പരസ്യമായി ഹാന്സ് വെക്കുന്നവരെയും നമുക്കിടയില് നാം കാണുന്ന സ്ഥിരം കാഴ്ച്ചയാണ്. ഇതിനെതിരെ നല്ല രീതിയിലുള്ള ഉപദേശങ്ങളും നേര്വഴി കാണിച്ച് കൊടുക്കുവാനും നമുക്ക് സാധിക്കണം. കേന്സറിന്റെ കൂട്ടത്തില് പെരുകുന്ന കാന്സര് വായില് രൂപപ്പെടുന്നതാണ്. ഹാന്സിന്റെ കുത്തഴിഞ്ഞ വരവാണ് ഇതിന് കാരണമാകുന്നതെന്നുള്ള ആരോഗ്യ വകുപ്പ് നല്കുന്ന ഞെട്ടിപ്പിക്കുന്ന സത്യമാണെന്നുള്ളത് നാം മനസ്സിലാക്കണം. കരളിനെ ഇല്ലയ്മ ചെയ്യുന്ന മദ്യപാനം അടക്കമുള്ള എല്ലാ ലഹരി വസ്തുക്കളും നമ്മുടെ നാട്ടില് നിന്ന് തുടച്ചു നീക്കുവാന് കക്ഷി രാഷ്ട്രീയ ജാതി-മത ഭേതമന്ന്യേ എല്ലാവരും ഒന്നിക്കുന്ന ഈ മഹത്തായ സംരംഭത്തിന് എല്ലാ വിധ ആശംസകളും.
( “എന്റെ മോങ്ങം” മോങ്ങം ബ്യൂറോ കണ്വീനറും ഈ സൈറ്റിന്റെ പ്രധാന റിപ്പോര്ട്ടറുമാണ് ലേഖകന കര്ത്താവ് )
0 നിങ്ങളുടെ അഭിപ്രായം (g-mail ഐഡി ഉപയോഗിക്കുക):
Post a Comment