പ്രവാസ ജീവിതത്തിനിടക്ക് ഉടലെടുത്ത അലിയുമായുള്ള സൌഹൃദ ബന്ധം പിന്നീട് നാട്ടില്‍ തിരിച്ചെത്തിയപ്പോഴും സുദൃഢമായി ഇരുവരും തുടരുകയായിരുന്നു. സഹൃദത്തോടൊപ്പം ബിസ്‌നസ് സഹകാരിയുമായ ഹംസ ഉയര്‍ച്ചയിലും താഴ്ച്ചയിലും മഞ്ഞളാം കുഴി അലിയുടെ നിഴലായി എന്നും കൂടെ ഉണ്ടായിരുന്നു. അലിക്ക എവിടെയുണ്ടോ അവിടെ ചെറാട്ട് ഹംസയുമുണ്ട് എന്ന് വാക്കിനെ അന്വര്‍ത്ഥമാക്കി തന്റെ ബോസ് അലിക്ക സി.പി.എമ്മില്‍ നിന്ന് മുസ്ലിം ലീഗിലേക്ക് കൂട്മാറിയപ്പോള്‍ മറ്റൊന്നും ആലോചിക്കാതെ ഇടത് ചിന്താഗതിക്കാരനായിരുന്ന ഹംസയും കൂടെ ചേര്‍ന്നു. പാര്‍ട്ടിയിലേക്ക് കടന്ന് വന്ന മഞ്ഞളാം കുഴി അലിക്ക് മോങ്ങത്ത് മുസ്ലിം ലീഗ് ഒരുക്കിയ സ്വീകരണ യോഗത്തില്‍ വെച്ചാണ് ഹംസ പാര്‍ട്ടി അംഗത്വം സ്വീകരിച്ചത്. ഏറെ വിമര്‍ശനങ്ങള്‍ക്കും മാരത്തോണ്‍ ചര്‍ച്ചകള്‍ക്കും നീണ്ട കാത്തിരിപ്പിനും ശേഷം മഞ്ഞളാം കുഴി അലി ഇന്ന് മന്ത്രിയായി സത്യപ്രതിജ്ഞ ചെയ്യുമ്പോള്‍ തിരക്കില്‍ നിന്നും കൂടുതല്‍ തിരക്കിലേക്ക് നീങ്ങുകയാണ് നമ്മുടെ നാട്ടുകാരന്‍ ചെറാട്ട് ഹംസക്കയും.
0 നിങ്ങളുടെ അഭിപ്രായം (g-mail ഐഡി ഉപയോഗിക്കുക):
Post a Comment