കൊണ്ടോട്ടി: ഇ.എം.ഇ.എ.കോളേജ് പ്രിന്‍സിപ്പാള്‍ ഡോ: അബ്ദുല്‍ ഹമീദ് വിരമിച്ചു

     മോങ്ങം: കൊണ്ടോട്ടി ഇ എം ഇ എ  കോളേജ് പ്രിന്‍സിപ്പാള്‍ ഡോ: അബ്ദുല്‍ ഹമീദ്   സര്‍വ്വീസില്‍ നിന്നും വിരമിച്ചു. മോങ്ങം ചെറുപുത്തൂര്‍ സ്വദേശിയാ ഡോക്ടര്‍ ഹമീദ്  1982 ല്‍ മമ്പാട് എം ഇ എസ് കോളേജില്‍ ലക്ചറായിട്ടാണ് തന്റെ ഔദ്ദ്യോഗിക ജീവിതം ആരംഭിക്കുന്നത്. 2000 ല്‍ കൊചി യൂനിവേര്‍സിറ്റിയില്‍ നിന്നും ഡോക്ടറേറ്റ് നേടിയ അദ്ദേഹം 2006ല്‍ മാറാം‌പള്ളീ എം ഇ എസ് കോള്ഏജില്‍ പ്രിന്‍സിപാളായി നിയമിതനായി. തുടര്‍ന്ന് 2007 സെപ്റ്റമ്പറിലാണ് കൊണ്ടോട്ടി ഇ എം ഇ എ കൊളേജില്‍ പ്രിന്‍സിപാളായി ചാര്‍ജ്ജെടുത്തത്. കോളേജില്‍ ഗേള്‍സ് ഹോസ്റ്റ്ലും, സ്പോര്‍ട്സ് ഹോസ്റ്റലും, ലൈബ്രറിയും സാക്ഷാല്‍ക്കരിക്കുന്നതില്‍ മുഖ്യ പങ്ക് വഹിച്ചത് അദ്ദേഹമായിരുന്നു. 
    കൊണ്ടോട്ടി ഇ എം ഇ എ കോളെജ് സ്റ്റാഫ് കൌണ്‍സില്‍ ഹമീദ് സാറിന് യാത്രയപ്പ് നല്‍കി.  പ്രൊഫ.എന്‍.വി സുആദ ഉല്‍ഘാടനം ചെയ്തു. ടി.കെ.കുഞ്ഞുമുഹമ്മദ് അദ്ധ്യക്ഷത വഹിച്ചു. പ്രൊഫ. എ.എം.മുഹമ്മദ്, ടി.യു,ഇസ്മായില്‍, പ്രൊഫ. ജമീല, പ്രൊഫ. ഹംസ, സക്കരിയ്യ എന്നിവര്‍ പ്രസംഗിച്ചു. 

0 നിങ്ങളുടെ അഭിപ്രായം (g-mail ഐഡി ഉപയോഗിക്കുക):

Post a Comment