Showing posts with label സാംസ്‌കാരികം. Show all posts
Showing posts with label സാംസ്‌കാരികം. Show all posts
മോങ്ങം എ എം യു പി സ്കൂള്‍ ചാമ്പ്യന്മാരായി
പുസ്തകം പ്രകാശനം ചെയ്തു
മോങ്ങം എ എം യു പി സ്കൂള്‍ കലോത്സവം സമാപിച്ചു
പി ടി എ പ്രസിഡന്റ് സി. ഹംസ അദ്ധ്യക്ഷനായ ചടങ്ങില്‍ എച്ച് എം വത്സലബായി സ്വാഗതം പറഞ്ഞു. ആശംസകളര്‍പ്പിച്ച് കൊണ്ട് മെമ്പര്‍മാരായ ബി. കുഞ്ഞുട്ടി, സി.കെ ആമിന ടീച്ചര്‍ , പി.ടി.എ മെമ്പര്‍ ബാബു, എന്‍ അബ്ദുല്‍‌റഷീദ്, സി. നിഷാദ് മാസ്റ്റര്‍ , കെ വിപിന്‍ മാസ്റ്റര്‍ , റഫീഖ്, ടി.പി സലീം മാസ്റ്റര്‍ എന്നിവര്‍ സംസാരിച്ചു.
ഓട്ടോ ഡ്രൈവര്‍മാക്ക് ഐഡന്റിറ്റി കാര്‍ഡ് വിതരണം ചെയ്തു
കം‌പ്യൂട്ടര്‍ ലാബ് ഉല്‍ഘാടനം ചെയ്തു.
പഞ്ചായത്ത് കേരളൊത്സവം അപേക്ഷകള്‍ സ്വീകരിച്ചു തുടങ്ങി
ശിഹാബ് തങ്ങള്‍ റിലീഫ് സെല്‍ ഓണക്കിറ്റ് വിതരണം ചെയ്തു
മോങ്ങം ടൌണ്‍ ജനകീയ കമ്മിറ്റി പെരുന്നാള്‍ ഓണക്കിറ്റുകള്‍ വിതരണം ചെയ്തു
മോങ്ങം വിസ്മയ ക്ലബ്ബ് ഇഫ്താര്‍ മീറ്റ് സംഘടിപ്പിച്ചു
ഇന്‍സ്പെയര്‍ അവാര്‍ഡ് അന്‍സല്‍ മുഹമ്മദിന്
മോങ്ങം: ശാസ്ത്ര അഭിരുചിയുള്ള വിദ്ധ്യാര്‍ത്തികളെ പ്രോത്സാഹിപ്പിക്കുന്നതിനായി കേന്ദ്ര സര്‍ക്കാര്‍ ഏര്‍പെടുത്തിയ ഇന്‍സ്പെയര്‍ അവാര്‍ഡ് നേടി മോങ്ങം സ്കൂളിലെ വിദ്ധ്യാര്‍ത്ഥി വെണ്ണക്കോടന്‍ അന്‍സല്‍ മുഹമ്മദ് നാടിനും സ്കൂളിനും അഭിമാനമായി. ശാസ്ത്ര വര്‍ഷത്തോടനുബന്ധിച്ച് ജൈവ വൈവിധ്യങ്ങള്‍ എന്ന വിഷയത്തില്‍ പ്രബന്ധാവതരണത്തിനാണ് ഡല്‍ഹി കേന്ദ്രമായ ഡിപ്പാര്‍ട്ട്മെന്റ് ഓഫ് സയന്‍സ് ആന്റ് ടെക്നോളജി (ശാസ്ത്ര സാങ്കേതിക വകുപ്പ്) യുടെ അയ്യായിരം രൂപയുടെ ക്യാഷ് അവാര്‍ഡ് അന്‍സില്‍ മുഹമ്മദിനെ തേടിയെത്തിയത്.
മോങ്ങം സ്വദേശിയും കൊട്ടുക്കര പി.പി.എം.എച്ച്.എസ്.എസ് അദ്ധ്യാപകനുമായ വെണ്ണക്കോടന്‍ ഇബ്രാഹിം മാസ്റ്ററുടെയും ആബിദ കുണ്ടേരിയുടെയും മകനായ അന്‍സല്‍ മുഹമ്മദ് മോങ്ങം എ.എം.യു.പി സ്കൂളിലെ ഏഴാം ക്ലാസ് വിദ്ധ്യാര്‍ത്ഥിയാണ്. പഠനത്തോടൊപ്പം ശാസ്ത്ര മേളയിലും മറ്റ് പാഠ്യേതര വിഷയങ്ങളിലും മികച്ച പ്രകടനമാണ് അന്‍സല്‍ കാഴ്ച്ചവെക്കുന്നതെന്ന് ഈ അവാര്‍ഡ് കിട്ടുന്നതിനു വേണ്ടി ആവശ്യമായ സഹായവും പ്രചോദനവും നല്‍കിയ സ്കൂളിലെ സയന്‍സ് അദ്ധ്യാപകനായ അസീസ് മാസ്റ്റര്‍ “എന്റെ മോങ്ങം” ന്യുസിനോട് പറഞ്ഞു. അന്‍സല്‍ മുഹമ്മദിനെ പോലുള്ള വിദ്ധ്യാര്‍ത്ഥികളുടെയും അദ്ധ്യാപകരുടെയും കഠിന പ്രയ്ത്നം കൊണ്ട് കൊണ്ടോട്ടി സബ് ജില്ലാ ശാസ്ത്രമേളയിലെ കിരീടമടക്കം നിരവധി അംഗീകാരങ്ങള്‍ നേടിയ മോങ്ങം എ.എം.യു.പി സ്കൂള്‍ ജില്ലയിലെ കഴിഞ്ഞ വര്‍ഷത്തെ ഏറ്റവും മികച്ച സയന്‍സ് സ്കൂളായി തിരഞ്ഞെടുത്തിരുന്നതായും അദ്ധേഹം പറഞ്ഞു. സ്കൂള്‍ പി.ടി.എ വാര്‍ഷിക ജനറല്‍ ബോഡിയോഗത്തില്‍ അന്‍സബിനെ ആദരിക്കുകയും ഹെഡ് മിസ്ട്രസ് വത്സലഭായ് ടിച്ചര്‍ ചെക്ക് കൈമാറുകയും ചെയ്തു.
Repport & Photo: Alavi kutty C.T. Mongam
സ്കൂള്‍ പി.ടി.എ: ഹംസയും ഷാക്കിറും വീണ്ടും
മോങ്ങം എ.എം.യു.പി സ്കൂള്‍ അദ്ധ്യാപക രക്ഷാകര്‍ത്ത സിമതി (പി.ടി.എ) പ്രസിഡന്റായി സി.ഹംസയെയും വൈസ് പ്രസിഡ്ന്റായി കെ.എം.ഷാക്കിറിനെയും എം.ടി.എ പ്രസിഡന്റായി സി.സ്വപ്നയെയും ഐക്യഖണ്ഡേനെ വീണ്ടും തിരഞ്ഞെടുത്തു. സ്കൂളില്‍ ചേര്‍ന്ന പി.ടി.എ വാര്‍ഷിക ജനറല്‍ ബോഡിയോഗം പി.ടി.എ പ്രസിഡന്റ് സി.ഹംസയുടെ അദ്ധ്യക്ഷതയില്‍ മൊറയൂര്‍ ഗ്രാമ പഞ്ചായത്ത് പ്രസിഡന്റ് ശ്രീമതി ബി.സകീന ഉത്ഘാടനം ചെയ്തു. മോങ്ങം എ.എം.യു.പി.സ്കൂളിലെ കമ്പ്യൂട്ടര്‍ ലാബ് വികസനത്തിനും ടോയ്‌ലറ്റ് നവീകരണത്തിനും പഞ്ചായത്തില്‍ നിന്നുള്ള ഫണ്ടുകള്‍ അനുവധിക്കുമെന്ന് പറഞ്ഞ സകീന, യോഗത്തിലെ സ്ത്രീ പാധിനിത്യത്തില്‍ സന്തോഷം രേഖപെടുത്തി.
ഹെഡ്മിസ്ട്രസ് വത്സലാഭായ് വാര്‍ഷിക റിപ്പോര്‍ട്ടും സ്റ്റാഫ് സെക്രടറി വിപിന്‍ മാസ്റ്റര്‍ വരവ് ചിലവ് കണക്കുകളും അവതരിപ്പിച്ചു. ഐ.ടി.ക്ലാസ് വരവ് ചിലവ് കണക്കുകള്‍ സി.നിഷാദ് മാസ്റ്ററും അവതരിപ്പിച്ചു. സി.ടി.അലവി കുട്ടി, ബി.കുഞ്ഞു, സി.കെ.മുഹമദ് അബ്ദുല്‍ റഹൂഫ് എന്നിവര്‍ ചര്‍ച്ചയില്‍ പങ്കെടുത്ത് സംസാരിച്ചു. ഗ്രാമപഞ്ചായത്ത് മെമ്പര്‍മാരായ സി.കെ.മുഹമ്മദ്, ബി.കുഞ്ഞുട്ടി എന്നിവര്‍ ആശംസകള്‍ നേര്‍ന്ന് സംസാരിച്ചു. കേന്ദ്ര ഗവണ്‍‌മെന്റിന്റെ ഇന്‍സ്പെയര്‍ അവാര്‍ഡ് നേടിയ അന്‍സല്‍ മുഹമ്മദ് വെണ്ണക്കോടനുള്ള ചെക്ക് ഹെഡ്മിസ്ട്രസ് വത്സലാഭായ് കൈമാറി. അന്‍സല്‍ മുഹമ്മദ് മറുപടി പ്രസംഗം നടത്തി. ഹെഡ്മിസ്റ്റ്രസ് സ്വാഗതവും, വൈസ് പ്രസിഡന്റ് കെ.എം.ഷാക്കിര്‍ നന്ദിയും പറഞ്ഞു.
Repport & Photo: Alavi kutty C.T. Mongam
Repport & Photo: Alavi kutty C.T. Mongam
മോങ്ങം ദര്‍ശന ക്ലബ്ബ് യൂണിഫോം വിതരണവും അവാര്‍ഡ് ദാനവും നടത്തി
മോങ്ങം : ദര്‍ശന ക്ലബ്ബ് മോങ്ങവും ദര്‍ശന ഗള്‍ഫ് കോ-ഡിനേഷന്‍ കമ്മിറ്റിയും സംയുക്തമായി ആറാമത് കൂനേങ്ങല്‍ സക്കീര്‍ മെമ്മോറിയല്‍ യൂണിഫോം വിതരണവും എസ് എസ് എല്‍ സി, പ്ലുസ് ടു പരീക്ഷകളില്‍ ഉന്നത വിജയം നേടിയവര്‍കക്കുള്ള അവാര്‍ഡ് ദാനവും നല്‍കി. മോങ്ങം ഒരുമ ഓഡിറ്റോറിയത്തില്‍ വെച്ച് സംഘടിപ്പിച്ച ചടങ്ങ് ദര്‍ശന ക്ലബ്ബ് സെക്രട്ടറി റഹീം സി.കെയുടെ അദ്ധ്യക്ഷതയില്‍ മൊറയൂര്‍ ഗ്രാമ പഞ്ചായത്ത് പ്രസിഡന്റ് ബി. സക്കീന ഉല്‍ഘാടന കര്‍മ്മം നിര്‍വഹിച്ചു. തുടര്‍ന്ന് പരിപാടിക്ക് ആശംസകളര്‍പ്പിച്ച് കൊണ്ട് മൊറയൂര്‍ ഗ്രാമപഞ്ചായത്ത് മെമ്പര്‍മാരായ ബി.കുഞ്ഞുട്ടി, സി.കെ മുഹമ്മദ്, ആമിന ടീച്ചര്‍ എന്നിവര്‍ സംസാരിച്ചു. അവാര്‍ഡ് ദാനവും യൂനിഫോം വിതരണവും സംയുക്തമായി ഇവര്‍ നിര്‍വഹിച്ചു.
നാ‍ട്ടിലെ നിര്‍ധനരില്‍ നിര്‍ധനരായ കുട്ടികളെ കണ്ടെത്തി അവര്‍ക്ക് യൂണിഫോം നല്‍കുകയും വിദ്ധ്യാഭ്യാസ പുരോഗതിയെ ലക്ഷ്യം വെച്ച് എസ് എസ് എല്‍ സി, പ്ലുസ്ടു പരീക്ഷളില്‍ ഉന്നത വിജയം കരസ്ഥമാക്കിയ വിദ്ധ്യാത്ഥികളെ കണ്ടെത്തി വര്‍ഷം തോറും അവാര്‍ഡുകള്‍ നല്‍കി ആദരിക്കുകയും ചെയ്യുന്ന ദര്‍ശന ക്ലബ്ബിന്റെ പ്രവര്‍ത്തനങ്ങള്‍ മറ്റുള്ള ക്ലബ്ബുകളില്‍ നിന്നും ദര്‍ശനയെ വേറിട്ടു നിര്‍ത്തുന്നു വെന്നും ചടങ്ങില്‍ പ്രാസംഗികര്‍ അഭിപ്രായപ്പെട്ടു. പരിപാടിയില്‍ യൂസുഫലി എം സ്വാഗതവും കെ.അബ്ദു‌റഹ്‌മാന്‍ നന്ദിയും പറഞ്ഞു.
മോങ്ങം വിസ്മയ ക്ലബ്ബ് അവാര്‍ഡ് ദാനവും ഹരിത തൈ വിതരണവും നടന്നു.
“നാളെക്കൊരു തണല്‍“ ഉല്‍ഘാടനം ചെയ്തു
മോങ്ങം :ലോക പരിസ്ഥിതി ദിനാചരണത്തിന്റെ ഭാഗമായി എസ് എസ് എഫ് സംസ്ഥാന വ്യാപകമായി രണ്ടു ലക്ഷം വൃക്ഷതൈകള്‍ നട്ട് നടപ്പിലാക്കുന്ന “നാളെക്കൊരു തണല്‍“ പദ്ധതിയുടെ മോങ്ങം സെക്ടര്‍ തല ഉല്‍ഘാടനം മോങ്ങം തടപ്പറമ്പ് ഉമ്മുല്‍ഖുറ ഇസ്ലാമിക് കോപ്ലക്സില്‍ വെച്ച് നടന്നു. എം.സി.മുഹമ്മദ് ഫൈസിയുടെ പ്രാര്‍ത്ഥനയോടെ ആരംഭിച്ച പരിപാടി അല്‍-ഇര്‍ഫാദ് ചീഫ് എഡിറ്റര്‍ പി.എം.കെ ഫൈസിയുടെ അദ്ധ്യക്ഷതയില്‍ ഉമ്മുല്‍ഖുറ ഇസ്ലാമിക് കോപ്ലക്സ് വൈസ് ചെയര്‍മാന്‍ ജമാലുദ്ദീന്‍ ജമലുല്ലൈലി തങ്ങള്‍ വൃക്ഷ തൈ നട്ടുപിടിപ്പിച്ച് കൊണ്ട് ഉല്‍ഘാടന കര്‍മ്മം നിര്‍വഹിച്ചു. എസ്.എസ്.എഫ് കൊണ്ടോട്ടി ഡിവിഷന്‍ കോഡിനേറ്റര്‍ ഷഫീഖ്, മോങ്ങം സെക്ടര്‍ ഭാരവാഹികളായ ഫഹദ് മുസ്ലിയാര്‍, തജ്‌മല്‍ ഹുസൈന്‍ മോങ്ങം യൂണിറ്റ് ഭാര്‍വാഹികളും പ്രവര്‍ത്തകരും പങ്കെടുത്തു.
പാന്‍ മസാല നിരോധനം : സര്‍ക്കാറിന് അഭിവാദ്യങ്ങള്‍ അര്‍പ്പിച്ച് സംഘടനകള്‍
മോങ്ങം: പാന്‍ മസാല സം‌മ്പൂര്‍ണ്ണമായി നിരോധിച്ച സംസ്ഥാന സര്‍ക്കാറിന് മോങ്ങത്തെ വിവിധ സംഘടനകള്‍ അഭിവാദ്യങ്ങള്‍ അര്‍പ്പിച്ചു. മോങ്ങം യൂണിറ്റ് എസ്.എസ്.എഫ് നടത്തിയ അഭിവാദ്യ പ്രകടനത്തിന് മോങ്ങം സെക്ടര്‍ സെക്രടറി ഷബീര്‍, പ്രസിഡന്റ് മുസ്തഫ, എന്നിവര്‍ നേതൃത്വം നല്‍കി. എസ്.എസ്.എഫ്, എസ്.കെ.എസ്.എസ്.എഫ് എന്നീ സംഘടനകള്‍ സര്‍ക്കാര്‍ തീരുമാനത്തിനു അഭിനന്ദനമര്‍പ്പിച്ച് മോങ്ങത്ത് ഫ്ലക്സ് ബോര്‍ഡുകളും സ്ഥാപിച്ചിട്ടുണ്ട്. പാന്‍ മസാല നിരോധന തീരുമാനത്തെ സ്വാഗതം ചെയ്യുന്നതായി മോങ്ങം ദര്‍ശന ക്ലബ്ബ് പ്രസിഡന്റ് സി.കെ.ഫൈസല്‍ സെക്രടറി ഇന്‍‌ചാര്‍ജ് എം.യൂസുഫലി എന്നിവര്‍ അറിയിച്ചു.
പാന്‍ മസാല നിരോധിച്ച സാഹജര്യത്തില്‍ കേരളത്തില്‍ അവ ലഭ്യമല്ലാത്തതിനാല്‍ അന്യ സംസ്ഥാന തൊഴിലാളികള്‍ പാന്‍ മസാലകള്‍ അവരുടെ നാട്ടില്‍ നിന്നു കൊണ്ട് വന്ന് വില്‍ക്കാനും മറ്റും സാധ്യതയുള്ളതിനാല്‍ ഇവരെ ബോധവല്‍ക്കരിക്കുന്നതിനു അങ്ങാടിയില്‍ ഹിന്ദിയില്‍ ബോര്‍ഡുകള്‍ സ്ഥാപിക്കേണ്ടത് അനിവാര്യമായിരിക്കുകയാണ്.
മലര്‍വാടി ബാലസംഘം ബാലോത്സവം ആഘോഷിച്ചു
മോങ്ങം : മലര്‍വാടി ബാലസംഘം കുട്ടികള്‍ക്കായി സംഘടിപ്പിച്ച ബാലോത്സവം 2012 യൂണിറ്റ് തല പരിപാടി കളിമുറ്റം ചെറുപുത്തൂര്‍ ഹോമിയോ ആശുപത്രി പരിസരത്ത് വെച്ച് നടന്നു. കിഡ്ഡീസ്, സബ്‌ജൂനിയര്‍ , ജൂനിയര്‍ എന്നീ മൂന്ന് വിഭാഗങ്ങളിലായിട്ടാണ് മത്സരങ്ങള്‍ അരങ്ങേറിയത്. പുതുമയാര്‍ന്ന മത്സരങ്ങളാണ് സംഘാടകര്‍ കുട്ടികള്‍ക്കായി സംഘടിപ്പിച്ചത്. ഉന്തുന്ത്, ചാടിപ്പിടിക്കാം , അഴിഞ്ഞു മാറ്റം , പുഷ് പുള്‍ , കിക്ക് ഔട്ട് തുടങ്ങിയ വിവിധയിനം മത്സരങ്ങള്‍ അരങ്ങേറി.
മത്സര വിജയികള്‍ക്കുള്ള സമ്മാന വിതരണം പ്രോഗ്രാം കണ്‍‌വീനര്‍ അബ്ദുല്‍ റഷീദ് മൌലവിയും അസിസ്റ്റന്റ് കണ്‍‌വീനര്‍ അമീന്‍ ഹസ്സനും ചേര്‍ന്ന് നിര്‍വഹിച്ചു. രാവിലെ നടന്ന ചടങ്ങില്‍ നൌഷാദ് എം സി കുട്ടികളുമായി സംവദിച്ചു. ഒരുമിക്കാം ഒത്തു കളിക്കാം എന്ന തലക്കെട്ടില്‍ നടക്കുന്ന ബാലോത്സവത്തിന്റെ ഏരിയാ തല പരിപാടി കളിമുറ്റം കൊണ്ടോട്ടിയില്‍ വെച്ച് നടക്കുമെന്ന് സംഘാടകര്‍ അറിയിച്ചു.
വയറിങ്ങ് - പ്ലംമ്പിങ്ങ് വര്‍ക്കേര്‍സ് വെല്‍ഫെയര്‍ അസോസിയേഷന്‍ : ഓട്ടോറിക്ഷ നല്‍കി
മോങ്ങം : വയറിങ്ങ് - പ്ലംമ്പിങ്ങ് വര്‍ക്കേര്‍സ് വെല്‍ഫെയര്‍ അസോസിയേഷന്‍ നിര്‍ദ്ധനരായ കുടുംബത്തിന് നിത്യ ചിലവ് കണ്ടെത്തുന്നതിന്നായി ഓട്ടോറിക്ഷ സമ്മാനിച്ചു. അകാലത്തില്‍ മരണമടഞ്ഞ വയറിങ്ങ് തൊഴിലാളിയുടെ നിര്‍ദ്ധനരായ കുടുംബത്തിന് മോങ്ങം വയറിങ്ങ് പ്ലമ്പിങ്ങ് അസോസിയേഷന്‍ വാങ്ങിക്കൊടുത്ത ഓട്ടോറിക്ഷയുടെ താക്കോല്‍ ദാനം മോങ്ങത്തെ വയറിങ്ങ് കാരണവര്‍ നൊട്ടത്ത് മുഹമ്മദ് നിര്‍വഹിച്ചു. ചെറി കെ. സോളാര്‍ സ്വാഗതം ആശംസിച്ച യോഗത്തില്‍ മുഹമ്മദ് എന്‍ അദ്ധ്യക്ഷത വഹിച്ചു. പരിപാടിയില്‍ ആശംസകളര്‍പ്പിച്ച് കൊണ്ട് ബാവ, സമീര്‍, കുടുക്കന്‍ മുഹമ്മദ് കുട്ടി എന്നിവര്‍ സംസാരിച്ചു. കുഞ്ഞാണി നന്ദിയും പറഞ്ഞു.
കാഴ്ച്ച നഷ്ടപെടുന്ന വിദ്ധ്യാര്‍ത്ഥിനിക്ക് ചികിത്സാ സഹായം തേടുന്നു
മോങ്ങം: കണ്ണിന്റെ കാഴ്ച്ച കുറഞ്ഞ് കൊണ്ടിരിക്കുന്ന സ്കൂള്‍ വിദ്ധ്യാര്‍ത്ഥിനി ചികിത്സാ സഹായം തേടുന്നു. മോങ്ങം കുയിലം കുന്നില്‍ താമസിക്കുന്ന പി.കദീജയാണ് തന്റെ പതിമൂന്ന് വയ്സ്സ്കാരിയായ മകള്‍ക്ക് മുന്നിലെ ഇരുട്ട് മാറ്റാന്‍ ചികിത്സക്ക് ഭീമമായ തുക കണ്ടെത്താന്‍ വകയില്ലാതെ വിധിക്ക് മുന്നില്‍ പകച്ച് നില്‍ക്കുന്നത്. ഭര്‍ത്താവിന്റെ സംരക്ഷണമില്ലാത്തതിനാല്‍ വീടുകളിലും മറ്റും കൂലിവേല ചെയ്തും ഉദാരമനസ്കരുടെ സഹായത്താലും തനിക്കും കുഞ്ഞുങ്ങള്‍ക്കും അന്നാന്നത്തെ നിത്യവൃത്തിക്ക് വഴി കണ്ടെത്താന്‍ നെട്ടോട്ടമോടുന്നതിനിടക്കാണ് തന്റെ രണ്ടാമത്തെ മകളും മൊറയൂര്‍ വി.എച്ച്.എം.എച്ച്.എസ്.എസിലെ എട്ടാം ക്ലാസ് വിദ്ധ്യാര്‍ത്ഥിനിയുമായ ജുവൈരിയയുടെ ഇടത് കണ്ണിന്റെ കാഴ്ച്ച അല്‍‌പ്പാല്‍പ്പം കുറഞ്ഞ് വരുന്നതായി കദീജയുടെ ശ്രദ്ധയില്‍ പെട്ടത്.
സാമ്പത്തിക ശേഷി ഇല്ലാത്തതിനാല്‍ തൊട്ടടുത്ത ആശുപത്രികളിലും പരിസരങ്ങളില്‍ നടന്ന സൌജന്യ നേത്ര പരിശോധനാ ക്യാമ്പുകളിലും അവസാനം കോഴിക്കോട് മെഡിക്കള്‍ കോളേജിലും കാണിച്ചെങ്കിലും അസുഖത്തിന് യാതൊരു കുറവും കണ്ടില്ലന്നു മാത്രമല്ല ദിനേനെയെന്നോണം കാഴ്ച്ച കുറഞ്ഞ് വന്ന് കുട്ടിക്ക് സ്കൂളില്‍ പോകാന്‍ പോലും പറ്റാത്ത അവസ്ഥയിലെത്തി. മധുര കണ്ണാശുപത്രിയില്‍ കൊണ്ട് പോകണമെന്ന നിര്‍ദേശമാണ് മെഡിക്കല്‍ കോളേജില്‍ നിന്നും ലഭിച്ചത്. സാമ്പത്തിക പ്രയാസം കാരണവും മധുരയില്‍ പോകാനുള്ള പ്രയാസത്താലും അങ്കമാലി കണ്ണാശുപത്രിയില്‍ ചികിത്സക്ക് വിധേയമാക്കിയപ്പോള്‍ അടിയന്തിരമായി ഓപ്പറേഷന് നടത്തണമെന്നും ഇല്ലങ്കില്‍ കണ്ണിന്റെ കാഴ്ച്ച പൂര്‍ണ്ണമായും നഷ്ടപെടും എന്നാണ് ഡോക്ടര്‍മാര്‍ പറഞ്ഞത്. ഓപ്പറേഷന് ഏതാണ്ട് ഒന്നര ലക്ഷത്തിലധികം രൂപ ചിലവ് വരുമെന്നാണ് ആശുപത്രിയില്‍ നിന്ന് അറിയിച്ചത്.
കുയിലം കുന്നിന്റെ നെറുകയില്‍ ചെങ്കുത്തായ സ്ഥലത്ത് അഞ്ച് സെന്റില്‍ രണ്ട് മുറി വീട് മാത്രമുള്ള കദീജക്ക് മകളുടെ ചികിത്സക്ക് നാട്ടുകാരുടെയും ഉദാരമനസ്കരുടെയും മുന്നില്‍ കൈ നീട്ടുകയല്ലാതെ വേറെ വഴിയില്ല. ജുവൈരിയ്യ പഠിക്കുന്ന മൊറയൂര്‍ സ്കൂളിലെ സഹപാഠികളും അദ്ധ്യാപകരും 15200 രൂപ സമാഹരിച്ച് കൊടുത്തിട്ടുണ്ട്. ജുവൈരിയ എന്ന നമ്മുടെ സഹോദരിയുടെ ഇരുട്ട് പരന്ന കണ്ണുകള്‍ക്ക് വെളിച്ചമേകാന്‍ നമ്മുടെ എല്ലാ കഴിവിന്റെ പരമാവധി സഹായങ്ങള്‍ എത്തിച്ച് കൊടുക്കണമെന്ന് അഭ്യര്‍ത്ഥിച്ച് പൊതു പ്രവര്‍ത്തകനായ സോളാര്‍ ചെറിയുടെയും കദീജ ദിവസ കൂലിക്ക് തൂപ്പ് ജോലി ചെയ്യുന്ന മോങ്ങം അര്‍ബന്‍ ബാങ്ക് ജീവനക്കാരന്‍ പരമേശ്വരന്റെയും നേതൃത്വത്തില്‍ ചെറിയ ശ്രമം ആരംഭിച്ചിട്ടുണ്ട്. സഹായിക്കാന്‍ താല്‍പ്പര്യമുള്ളവര്‍ സോളാര്‍ ചെറി (9846915030), പരമേശ്വരന്‍ (9946351306) എന്ന നമ്പരിലോ ബന്ധപെടേണ്ടതാണ്.
ദര്‍ശന ക്ലബ്ബിന്റെ പ്രഥമ പ്രസിഡന്റ് ഷാക്കിറിന് സ്വീകരണം നല്‍കി.
ജിദ്ദ: ഉം‌റ നിര്‍വ്വഹിക്കുന്നതിനായി സൌദിയിലെത്തിയ മോങ്ങം ദര്‍ശന ക്ലബ്ബിന്റെ പ്രഥമ പ്രസിഡന്റ് കെ എം ഷാക്കിറിനും ക്ലബ്ബിന്റെ ആദ്യകാല പ്രവര്‍ത്തകന്‍ ചേങ്ങോടന്‍ ശിഹാബ് ബാബുവിനും ദര്‍ശന ഗള്‍ഫ് കൊര്‍ഡിനേഷന്‍ ജിദ്ദ കമ്മിറ്റിയുടെ കീഴില്‍ സ്വീകരണം നല്‍കി. വ്യാഴാഴ്ച റുവൈസില്‍ ദര്‍ശന ക്ലബ്ബ് ആസ്ഥാനത്ത് വെച്ച് നടന്ന സ്വീകരണ യോഗം കമ്മിറ്റി പ്രസിഡന്റ് ബി ബഷീര്‍ ബാബുവിന്റെ അദ്ദ്യക്ഷതയില്‍ “എന്റെ മോങ്ങം“ ചീഫ് എഡിറ്റര്‍ സി ടി അലവികുട്ടി ഉല്‍ഘാടനം ചെയ്തു.
സി.കെ.പി അബ്ദുനാസര്‍, ശാജഹാന്‍ .കെ, അഷ്‌റഫ് പനപ്പടി, സി.കെ.മുസ്തഫ, തുടങ്ങിയവര്‍ ആശംസകള്‍ അര്‍പ്പിച്ച് സംസാരിച്ചു. സ്വീകരണത്തിന് നന്ദി പറഞ്ഞ് സംസാരിച്ച ഷാക്കിര്‍ ഇരുപത്തി അഞ്ച് വര്‍ഷം മുമ്പ് രൂപീകരിച്ച ദര്‍ശന ക്ലബ്ബ് ഇന്നും മോങ്ങത്തിന്റെ കലാ കായിക സാംസ്കാരിക സേവന മേഖലയില്‍ നിറഞ്ഞ് നില്‍ക്കുന്നതില്‍ ഞാന്‍ സന്തുഷ്ടനാണെന്നും, ദര്‍ശന പഴയ പ്രവര്‍ത്തകര്‍ തിരക്ക് പിടിച്ച ഈ പ്രവാസ ജീവിതത്തിനിടയിലും ഇവിടെ ഇങ്ങിനെ ഒരു കമ്മിറ്റി ഉണ്ടാക്കി പ്രവര്‍ത്തകന്‍‌മാരെ ഏകോപിപ്പിച്ച് പ്രവര്‍ത്തിക്കുന്നത് അഭിനന്ദനാര്‍ഹമാണെന്നും പറഞ്ഞ അദ്ധേഹം മോങ്ങത്തിന്റെ ചരിത്രത്തില്‍ ഇത് ദര്‍ശനക്ക് മാത്രം അവകാശപ്പെട്ടതാണെന്നും കൂട്ടി ച്ചേര്‍ത്തു. സി.ശിഹാബ് ബാബുവും സ്വീകരണത്തിന് നന്ദി പറഞ്ഞു സംസാരിച്ചു.
ജോയിന്റ് സെക്രടറി സി ഉമ്മര്‍ കൂനേങ്ങല്‍ സ്വാഗതവും സ്പോര്‍ട്സ് കണ്‍‌വീനര്‍ സി.കെ.സമദ് നന്ദിയും പറഞ്ഞു. ഉം‌റ നിര്‍വ്വഹിക്കാനായി യു.എ.യിയില്‍ നിന്ന് വന്ന ദര്‍ശന യു.എ.ഇ കോഡിനേഷന്‍ കമ്മിറ്റി സെക്രടറി കെ.മുഹമ്മദ് ശരീഫ് എന്ന ഇണ്ണിക്കയും സ്വീകരണത്തിലെത്തുമെന്ന് അറിയിച്ചിരുന്നെങ്കിലും അവിചാരിതമായി യാത്ര വൈകിയതിനാല്‍ യോഗത്തിനെത്താന്‍ സാധിച്ചില്ല.
സി.കെ.പി അബ്ദുനാസര്‍, ശാജഹാന്‍ .കെ, അഷ്‌റഫ് പനപ്പടി, സി.കെ.മുസ്തഫ, തുടങ്ങിയവര്‍ ആശംസകള്‍ അര്‍പ്പിച്ച് സംസാരിച്ചു. സ്വീകരണത്തിന് നന്ദി പറഞ്ഞ് സംസാരിച്ച ഷാക്കിര്‍ ഇരുപത്തി അഞ്ച് വര്‍ഷം മുമ്പ് രൂപീകരിച്ച ദര്‍ശന ക്ലബ്ബ് ഇന്നും മോങ്ങത്തിന്റെ കലാ കായിക സാംസ്കാരിക സേവന മേഖലയില്‍ നിറഞ്ഞ് നില്‍ക്കുന്നതില്‍ ഞാന്‍ സന്തുഷ്ടനാണെന്നും, ദര്‍ശന പഴയ പ്രവര്‍ത്തകര്‍ തിരക്ക് പിടിച്ച ഈ പ്രവാസ ജീവിതത്തിനിടയിലും ഇവിടെ ഇങ്ങിനെ ഒരു കമ്മിറ്റി ഉണ്ടാക്കി പ്രവര്‍ത്തകന്‍‌മാരെ ഏകോപിപ്പിച്ച് പ്രവര്‍ത്തിക്കുന്നത് അഭിനന്ദനാര്‍ഹമാണെന്നും പറഞ്ഞ അദ്ധേഹം മോങ്ങത്തിന്റെ ചരിത്രത്തില്‍ ഇത് ദര്‍ശനക്ക് മാത്രം അവകാശപ്പെട്ടതാണെന്നും കൂട്ടി ച്ചേര്‍ത്തു. സി.ശിഹാബ് ബാബുവും സ്വീകരണത്തിന് നന്ദി പറഞ്ഞു സംസാരിച്ചു.
ജോയിന്റ് സെക്രടറി സി ഉമ്മര്‍ കൂനേങ്ങല്‍ സ്വാഗതവും സ്പോര്‍ട്സ് കണ്‍‌വീനര്‍ സി.കെ.സമദ് നന്ദിയും പറഞ്ഞു. ഉം‌റ നിര്‍വ്വഹിക്കാനായി യു.എ.യിയില്‍ നിന്ന് വന്ന ദര്‍ശന യു.എ.ഇ കോഡിനേഷന്‍ കമ്മിറ്റി സെക്രടറി കെ.മുഹമ്മദ് ശരീഫ് എന്ന ഇണ്ണിക്കയും സ്വീകരണത്തിലെത്തുമെന്ന് അറിയിച്ചിരുന്നെങ്കിലും അവിചാരിതമായി യാത്ര വൈകിയതിനാല്‍ യോഗത്തിനെത്താന്‍ സാധിച്ചില്ല.
ദര്‍ശന ക്ലബ്ബ് പനാല്‍റ്റി ഷൂട്ടൌട്ട് സംഘടിപ്പിച്ചു
മോങ്ങം: ദര്‍ശന ക്ലബ്ബ് വിഷു ദിനത്തോടനുബന്ധിച്ച് മോങ്ങം അങ്ങാടിയില്‍ പെനാല്‍റ്റി ഷൂട്ടൌട്ട് മത്സരം സംഘടിപ്പിച്ചു. ആവേശ‌കരമായ മല്‍‌സരം ജനപങ്കാളിത്തം കൊണ്ട് ശ്രദ്ദേയമായി. ഓരോര്‍ത്തര്‍ക്കും മൂന്ന് വീതം പെനാല്‍റ്റി കിക്ക് അനുവധിച്ചിരുന്നുവെങ്കിലും മോങ്ങത്തിന്റെ കരുത്തനായ ഗോള്‍ കീപ്പര്‍ പി.കുഞ്ഞാലി ജാഗ്രതയോടെ ഗോള്‍ വലയത്തിന്റെ കാവല്‍ക്കാരനായപ്പോള്‍ ആര്‍ക്കും തന്നെ മൂന്ന് ഗോള്‍ സ്കോര്‍ ചെയ്യാന്‍ സാധിച്ചില്ല.
തുടര്‍ന്ന് രണ്ട് വീതം ഗോള്‍ സ്കോര്‍ ചെയ്ത ഏഴ് പേരില്‍ നിന്ന് ഫൈനല്‍ റൌണ്ടില്‍ എത്തിയത് രണ്ട് പേര്‍ മാത്രം ഇന്ത്യന്‍ ആര്‍മി കൂനേങ്ങല്‍ അബ്ദു റഷീദും ചാളക്കണ്ടി ജാഫറും. ഫൈനലില്‍ അനുവധിച്ച രണ്ട് കിക്കും ഗോളാക്കി ഇന്ത്യന്‍ ആര്‍മി റഷീദ് കൂനേങ്ങല്‍ ഒന്നാമതെത്തി. ഒരു ഗോള്‍ സ്കോര്‍ ചെയ്ത് ജാഫര്‍ രണ്ടമതെത്തി. വിജയികള്‍ക്ക് സി മുഹമ്മദ് കുട്ടി കൂനേങ്ങലും ബി മുഹമ്മദലിയും ട്രോഫികള്‍ വതരണം ചെയ്തു. എന്റെ മോങ്ങം ന്യൂസ് ബോക്സ്, തോഷിബാ ഇലക്ട്രോണിക്സ്, സി ഡി റോം, ന്യൂ സഫാരി എന്നീ സ്ഥാപനങ്ങളുടെ സഹകരണത്തോടെയാണ് പരിപാടി സംഘടിപ്പിച്ചത്.
